Sanskathi
Feb 10

இந்தோனேசியாவில் விமானத்தை கைகளால் தள்ளிய பயணிகள்

இந்தோனேசியாவில் விமானத்தை கைகளால் தள்ளிய பயணிகள்

இந்தோனேசியாவில் பயணிகள் ஒன்றாக சேர்ந்து விமானத்தைக் கைகளால் தள்ளிய சம்பவம் இணையதளத்தில் கேலிக்கு உள்ளாக்கியுள்ளது.

பொதுவாக நம்மூரில், பாதி வழியில் பேருந்துகள் நின்றுவிட்டால், அதில் பயணிக்கும் பயணிகள் பேருந்தை ஒன்று சேர்ந்து கைகளால் தள்ளுவது வழக்கம். அந்த அளவுக்கு நமது போக்குவரத்து சேவை சிறப்பாக உள்ளது.

ஆனால், இந்தோனேசியாவில் விமானப் பயணிகள் ஒன்று சேர்ந்து விமானத்தை கைகளால் தள்ளியுள்ளனர்.இந்தோனேசியாவின் தம்போலாகா விமான நிலையத்தில், கருடா இந்தோனேசியா என்ற நிறுவனத்திற்கு சொந்தமான விமானம் ஒன்று அங்கு வந்து இறங்கியது.

அப்போது, அந்த விமானத்தில் பயணித்த பயணிகள் கீழே இறங்கி வந்து அந்த விமானத்தை கைகளால் தள்ள ஆரம்பித்தனர். இது அனைவருக்கும் ஆச்சர்யத்தை ஏற்படுத்தியது. உடனே இதை வீடியோவாக பதிவிட்டு இணையத்தில் பகிர்ந்துள்ளனர். இந்த வீடியோ தற்போது வைரலாக மாறியுள்ளது.

இந்த வீடியோ குறித்து விளக்கமளித்த அந்த விமான நிறுவனம், விமானம் தவறான திசையில் தரையிறக்கப்பட்டதாலும், விமானத்தைப் பின்னோக்கி தள்ளும் கருவி இல்லாததாலும் விமான நிலைய ஊழியர்கள் விமான நிலைய ஊழியர்கள் கைகளால் தள்ளியதாக தெரிவித்துள்ளனர்.