Sanskathi
Feb 13

ஆட்சியமைக்க ஐ.தே.க. அழைப்பு விடுத்தால் பேச்சுவார்த்தைக்கு வர தயார்;TNA

ஆட்சியமைக்க ஐ.தே.க. அழைப்பு விடுத்தால் பேச்சுவார்த்தைக்கு வர தயார்;TNA

தமது கட்சியின் கொள்கைகளை மதிக்கும் எந்தவொரு கட்சியுடனும் இணைந்து ஆட்சியமைக்க தாம் தயார் என தமிழ் தேசியக் கூட்டமைப்பின் வட மாகாண சபை உறுப்பினர் எம்.கே. சிவாஜிலிங்கம் தெரிவித்துள்ளார்.

தேர்தல் முடிவுகளின் பின்னர் ஐக்கிய தேசியக் கட்சி தனியாட்சி அமைப்பதற்கு அக்கட்சி உயர் மட்ட உறுப்பினர்களினால் நிர்ப்பந்திக்கப்படுவதாகவும் இதற்காக வேண்டி தமிழ் தேசியக் கூட்டமைப்புடன் கூட்டுச் சேர்வது தொடர்பில் யோசனைகள் முன்வைக்கப்பட்டுள்ளதாகவும் ஊடகங்களில் கருத்துக்கள் தெரிவிக்கப்படுகின்றன.

இது குறித்து தமிழ் தேசியக் கூட்டமைப்பின் நிலைப்பாடு தொடர்பில் வினவியதற்கு கருத்துத் தெரிவிக்கையிலேயே எம்.கே. சிவாஜிலிங்கம் இவ்வாறு கூறியுள்ளார்.

எதிர்க் கட்சித் தலைவர் ஆர். சம்பந்தனும் இக்கருத்தில்தான் காணப்படுகின்றார். சேர்ந்து ஆட்சியமைப்பதற்கு அழைப்பு விடுக்கப்படுமாயின் பேச்சுவார்த்தைக்கு தாம் தயாராகவே உள்ளோம்.

இதேவேளை, தமிழ் தேசியக் கூட்டமைப்பு வடக்கு, கிழக்கில் பெரும்பாலான சபைகளின் அதிகாரத்தைக் கைப்பற்றியுள்ளதாகவும் இந்த வெற்றியை மையமாக கொண்டு ஏனைய தமிழ் கட்சிகளுடனும் இணைந்து தமிழ் மக்களின் பிரச்சினையைத் தீர்க்க நடவடிக்கை எடுப்பதாக அக்கட்சியின் பாராளுமன்ற உறுப்பினர் எம்.ஏ. சுமந்திரன் தெரிவித்துள்ளார்.