Sanskathi
Mar 10

உறைந்த ஆற்றில் 54 வெட்டப்பட்ட கைகள்: ரஷ்யாவில் அதிர்ச்சி!

உறைந்த ஆற்றில் 54 வெட்டப்பட்ட கைகள்: ரஷ்யாவில் அதிர்ச்சி!

ரஷ்யாவில் உறைந்த ஆற்றில் 54 வெட்டப்பட்ட கைகள் புதைந்திருந்த சம்பவம் அதிர்ச்சியை ஏற்படுத்தியுள்ளது.

சீனா எல்லையை ஒட்டியுள்ள ரஷ்ய பகுதியில் ஆமூர் என்ற ஆறு உள்ளது. இந்த ஆறு கடும் குளிர் காரணமாக உறைந்து பனிக்கட்டியாகி உள்ளது.

இந்நிலையில், கட்டுமான பணிக்காக அந்த பனிக்கட்டிகளை தொழிலாளர்கள் வெட்டியுள்ளனர். அப்போது, உறைந்த பனிக்கட்டியினுள்ள கிடந்த ஒரு பையினுள் வெட்டப்பட்ட மனித கைகள் மொத்தமாக புதைந்துள்ளதைக் கண்டு அதிர்ச்சியடைந்தனர்.

இதையடுத்து அதிகாரிகள் வரவழைக்கப்பட்டு முழுவதுமாக வெளியே எடுக்கப்பட்டதில், 27 ஜோடி கைகள் வீதம் 54 வெட்டப்பட்ட கைகள் கண்டெடுக்கப்பட்டுள்ளது.

இந்த கைகள் யாருடையது, எதற்காக இவ்வாறு வெட்டி வீசப்பட்டுள்ளது என்பது குறித்தும், எப்போது இந்த சம்பவம் நடந்திருக்கும் என்றும் விசாரித்து வருகின்றனர்.