Sanskathi
Jun 13

அட இதில் கூட சவுதிக்குக்கு தான் முதலிடம் ; ஆப்பு வைக்க போகும் புதிய சட்டம்!

அட இதில் கூட சவுதிக்குக்கு தான் முதலிடம் ; ஆப்பு வைக்க போகும் புதிய சட்டம்!

சவுதி அரேபியாவின் சுற்றுச்சூழல், தண்ணீர் மற்றும் விவசாயத்திற்கான அமைச்சகம் வெளியிட்டுள்ள அதிகாரபூர்வ ஆய்வுத் தகவல்களின் அடிப்படையில் உணவை வீணாக்குவதில் சவுதி அரேபியா முதலிடத்தில் உள்ளதாக தெரிவித்துள்ளது.

ஆண்டுதோறும் உற்பத்தியாகும் உணவுகளில் சுமார் 30 சதவிகிதம் குப்பையில் தூக்கி எறியப்படுகின்றது , இதன் நிகர மதிப்பு ஆண்டுக்கு 49 பில்லியன் ரியால்களாகும். ஒவ்வொரு சவுதியரும் ஆண்டுக்கு சராசரியாக 250 கிலோ உணவை வீணடிக்கின்றனர் அதேவேளை உலகின் சராசரி உணவு வீணடித்தல் 115 கிலோ மட்டுமே.

பெரும்பாலான உணவுகளை வீணடிப்பவர்களாக டின்னர் பார்ட்டிகள் நடத்துவோர், திருமண விருந்துகள், உணவகங்கள் மற்றும் ஹோட்டல் பஃபே உணவு நடத்துவோரே முன்னனியில் உள்ளனர். உலகில் ஒவ்வொரு மனிதரும் ஆண்டுக்கு சராசரியாக 145 கிலோ உணவை எடுத்துக் கொள்ளும் நிலையில் சவுதியர்கள் 158 கிலோவை பயன்படுத்துவதன் மூலம் இதிலும் முதலிடத்திலேயே இருக்கின்றனர்.

கடந்த மாதம் சவுதி அரேபியாவின் சூரா கவுன்சில் எனும் உயர்மட்ட ஆலோசணை மன்றத்தில் உணவை வீணடிப்போருக்கு அபராதம் விதிப்பது குறித்தும் சட்டம் கொண்டு வர ஆலோசிக்கப்பட்டது.

இந்த சட்டத்தின் மூலம் உணவகங்களுக்கு சென்று தட்டில் உணவை மிச்சம் வைத்து வருபவர்களுக்கும் அபராதம் விதிக்க ஆலோசணைகள் வழங்கப்;பட்டன. அதேவேளை தேசிய மையம் ஒன்றை ஏற்படுத்தி உணவை வீணடிப்பதை குறித்தும் விழிப்புணர்வு பிரச்சாரங்கள் செய்யவும் தீர்மானிக்கப்பட்டன.