Sanskathi
Sep 14

மல்லையாவும் அருண்ஜெட்லியும் பேசியதை சிசிடிவி காட்சிகளை பார்த்தால் தெரியும்: காங்கிரஸ் எம்பி

மல்லையாவும் அருண்ஜெட்லியும் பேசியதை சிசிடிவி காட்சிகளை பார்த்தால் தெரியும்: காங்கிரஸ் எம்பி

விஜய் மல்லையா நாட்டை விட்டு செல்வதற்கு முன் நிதியமைச்சர் அருண்ஜெட்லியுடன் நாடாளுமன்றத்தில் பேசியதை சிசிடிவி காட்சிகளை ஆராய்ந்தால் தெரியும் என்று காங்கிரஸ் எம்பி., புனியா கூறியுள்ளார். 

இந்தியாவில் பல்வேறு வங்கிகளில் இருந்து கிங்ஃபிஷர் ஏர்லைன்ஸ் நிறுனத்திற்காக வாங்கிய 9 ஆயிரம் கோடி ரூபாய் கடனை திரும்ப செலுத்த முடியாமல் விஜய் மல்லையா இந்தியாவிலிருந்து லண்டனுக்கு தப்பி சென்றார். இதனையடுத்து வங்களின் சார்பாக லண்டன் நீதிமன்றத்தில் தொடர்ந்த வழக்கின் விசாரணை நடைபெற்று வருகிறது. இந்த வழக்கில் டிசம்பர் 10ம் தேதி லண்டன் நீதிமன்றம் தீர்ப்பு வழங்குகிறது. 

இதனிடையே லண்டன் நீதிமன்றத்தில் ஆஜரான மல்லையா, இந்தியாவை விட்டு வெளியேறும் முன்பு மத்திய நிதியமைச்சர் நிதியமைச்சரை சந்தித்து 22 நிமிடங்கள் பேசியதாக தெரிவித்தார். ஆனால், அருண் ஜெட்லியோ இதற்கு மறுப்பு தெரிவித்துள்ளார். மேலும், மல்லையாவின் சர்ச்சைப் பேச்சுக்கு வலு சேர்ப்பது போல், பாஜக மூத்த தலைவர் சுப்ரமணிய சுவாமி,இருவரும் பேசியது உண்மை தான் என்றார். 

இந்நிலையில், இந்த குழப்பத்துக்கு முடிவு கட்ட வேண்டுமென்றால், நாடாளுமன்றத்தில் உள்ள சிசிடிவி வீடியோ காட்சிகளை ஆராய வேண்டும் என்று காங்கிரஸ் எம்பி புனியா தெரிவித்துள்ளார்.