Sanskathi
Oct 24

பிரதமர் ரணில் விக்கிரமசிங்கவை விரட்டியடிக்க முயல்கின்றனர்

பிரதமர் ரணில் விக்கிரமசிங்கவை விரட்டியடிக்க முயல்கின்றனர்

மஹிந்த ராஷபக்‌ஷவை பிரதமராக்குவதற்கு முற்படுபவர்களே இடைக்கால அரசாங்கத்தை அ​மைக்க முயல்கின்றனர் எனத் தெரிவித்த அமைச்சர் சரத் பொன்சேகா, “அவ்வாறானவர்களே பிரதமர் ரணில் விக்கிரமசிங்கவை விரட்டியடிக்க முயல்கின்றனர்” என்றும் குற்றஞ்சாட்டினார்.

ஐக்கிய தேசியக் கட்சியின் தலைமையகமான சிறிகொத்தவில் நேற்று (23) நடைபெற்ற ஊடகவியலாளர் சந்திப்பில் கலந்துகொண்டு மேலும் கருத்துரைத்த அவர்,  “இடைக்கால அரசாங்கம் பற்றி அதிகம் பேசப்படுகிறது. ஆனால், இதன் பின்னணியில் பிரதமர் ரணில் விக்கிரமசிங்கவை விரட்டியடிக்கும் நோக்கம் மட்டுமே உள்ளது.

எனவே, முன்னாள் ஜனாதிபதி மஹிந்த ராஜபக்‌ஷவை பிரதமராக்க முற்படுகின்றவர்களுக்கே இடைக்கால அரசாங்கம் அவசியப்படுகின்றது” என்றார்.