Sanskathi
Dec 04

ஜெ! தமிழகத்தில் மறக்க முடியாத மாபெரும் சகாப்தம்..!

ஜெ! தமிழகத்தில் மறக்க முடியாத மாபெரும் சகாப்தம்..!

ஜெ! தமிழகத்தில் மறக்க முடியாத மாபெரும் சகாப்தம்..! 

ஜெ! இந்த சொல் கடந்த 25 ஆண்டுகளுக்கும் மேலாக தமிழகத்தில் உள்ள சந்து பொந்துகள் எல்லாம் ஒலித்துக்கொண்டிருக்கும் ஒரு பெயர். 14 ஆண்டுகள் தமிழகத்தில் முதலமைச்சராக இருந்து இந்தியாவின் மிகப்பெரிய கட்சியில் ஒன்றை தலைமை ஏற்று நடத்தி மிகப்பெரிய சகாப்தத்தை ஏற்படுத்தியது. இவரது இரண்டாம் ஆண்டு நினைவு நாளை முன்னிட்டு இன்று இவரது வாழ்வில் நடந்த சில முக்கியமான மற்றும் சுவரஸ்யமான சம்பவங்களை பற்றி பார்க்கலாம் வாருங்கள். இந்தியா சுதந்திரம் பெற்று சில மாதங்களில் அன்றைய மைசூரு மாகாணத்தில் மாண்டியா மாவட்டத்தில் ஜெயராம் மற்றும் வேதவள்ளி தம்பதிக்கு மகளாக பிறந்தவர்தான் ஜெயலலிதா இவருக்கு ஜெயக்குமார் என்று ஒரு சகோதரரும் இருந்தார். 

இவர் சென்னை சர்ச்பார்க் கார்வென்ட் பள்ளியில் 10ம் வகுப்பு படித்தார். அப்பொழுது அவர் மாநிலத்திலேயே முதல் மாணவியாக மதிப்பெண்கள் பெற்று சிறந்து விளங்கினார். அதன் பின் அவர் கல்லூரி படிப்பிற்காக ஸ்டெல்லா மேரீஸ் கல்லூரியில் சேர்ந்தார். ஆனால் அவர் அன்று அவரது தாய் வேதவள்ளியில் விரும்பத்திற்கு ஏற்ப திரைப்படங்களில் நடிக்க துவங்கினார். அனால் அவரால் படிப்பை தொடர முடியவில்லை. 

படிப்பில் கலக்கியது போலவே சினிமாவிலும் தொடர்ந்து கலக்க துவங்கினார். அவரின் நடினத்தை பார்த்த போட்டி கதாநாயகிகள் எல்லாம் மிரண்டு போய் நின்றார்கள். அவர்கள் எதிர்பார்த்தது போலவே தமிழ் சினிமாவில் மிக வேகமாக வளர்ந்து வந்தார் ஜெயலலிதா. அதே நேரத்தில் தமிழ் மட்டும் அல்லாமல் தெலுங்கு மற்றும் கன்னட திரைப்படங்களிலும் நடித்தார். 

இவர் சுமார் 19 ஆண்டுகளில் 144 திரைப்படங்களில் நடித்தார். 

தமிழ் சினிமாவில் அப்பொழுது உச்ச நட்சத்திரமாக இருந்த எம்ஜிஆர் உடன் அதிகமாக திரைப்படங்களில் நடித்தார். அப்பொழுது எம்ஜிஆர் திமுகவில் இருந்து பிரிந்து அதிமுக என்ற கட்சியை துவங்கினார். அதன் பின் ஜெயலலிதா 1982ம் ஆண்டு ஜெயலலிதா அதிமுகவில் இணைந்து முழு நேர அரசியலில் ஈடுபட துவங்கினார். 

படிப்பிலும், கலையிலும் ஒரு வலம் வந்த ஜெயலலிதா அரசியலை மட்டும் விட்டு வைக்கவா போகிறார். அதிமுகவின் கொள்கை பரப்பு செயலாளராகி அதன் பின்னர் ராஜ்யசபாவில் மேல்சபை உறுப்பினர் ஆனார். 

எம்ஜிஆரை போல ஜெயலலிதாவின் செயல்பாடுகளையும் மக்கள் அதிகம் விரும்ப துவங்கினர். பலர் ஜெயலலிதா தான் அதிமுகவின் அடுத்த எதிர்காலம் என பேசத்துவங்கினர். இந்நிலையில் அப்பொழுது தான் எதிர்பாராத விதமான எம்ஜிஆர் காலமானார். 

அப்பொழுது அடுத்து அதிமுக யாருக்கு என்ற கேள்வி எழுந்த போது ஜெயலலிதாவா அல்லது எம்ஜிஆர் மனைவி ஜானகியா என்று போட்டி ஏற்பட்டது. அப்பொழுது நடந்த தேர்தலில் ஜெயலலிதா யாரும் எதிர்பாராத அளவிற்கு வெற்றி பெற்று எதிர்கட்சி தலைவரானார். மேலும் அதிமுக கட்சியையும் கைபற்றினார். 

அதன் பின் 1991ல் நடந்த தேர்தலில் ஜெயலலிதா மாபெரும் வெற்றி பெற்று தமிழகத்தின் இளம் முதல்வராக தேர்வானார். அந்த காலகட்டத்தில் தான் அவர் மீது சொத்து குவிப்பு புகார் எழுந்தது. 

அப்பொது அவர் குறித்த வீடியோ டிவியில் வெளியானது. இது பொதுமக்கள் மத்தியில் பெரிய தாக்கத்தை ஏற்படுத்தியது. இது அடுத்த தேர்தலில் பிரதிபலித்தது. 1996ம் ஆண்டு நடந்த தேர்தலில் அதிமுக கட்சி கிட்டத்தட்ட மொத்தமாக தோல்வியடைந்தது. ஏன் ஜெயலலிதாவே தான் நின்ற தொகுதியில் தோல்வியடைந்தார். 

அவர் மீது 1998ம் ஆண்டு சொத்துகுவிப்பு வழக்கு தொடரப்பட்டது. 1998-1999ல் மத்திய அரசு கூட்டணியில் இருந்து ஜெயலலிதா வெளியேறியதால் வாஜ்பாய் அரசு கவிழ்ந்தது. அதன் பின் 2001ம் ஆண்டு மீண்டும் தமிழக சட்டசபை தேர்தலில் வெற்றிபெற்று மீண்டும் முதல்வரானார். 

அவர் பதிவியேற்று சில மாதங்களில் அவர் மீது வழக்கு இருந்ததால் அவர் முதல்வர் பதவியில் இருந்து விலக வேண்டிய நிலை வந்தது. அதன் பின் அவர் பன்னீர்செல்வதை முதல்வராக அறிவித்தார். 

அடுத்து மீண்டும் முதல்வரானார். அந்த ஆட்சியில் பல்வேறு திட்டங்களை கொண்டு வந்தார். அந்த காலகட்டத்தில் அவர் கொண்டு வந்த திட்டங்கள் பெரும் அளவில் மக்கள் மத்தியில் பேசப்பட்டது. பல திட்டங்கள் பாராட்டுக்களையும், சில திட்டங்கள் எதிர்ப்புகளை மக்கள் மத்தியில் கிளப்பியது. 

அதன் பின் நடந்த சட்டசபை தேர்தலில் திமுக வெற்றி பெற்றது. அது அதிமுகவிற்கு பெரும் அடியாக அமைந்தது. அந்த ஆட்சி காலத்தில் நடந்த நாடாளுமன்ற தேர்தலில் அனைத்து தொகுதிகளிலும் அதிமுக தோல்வியடைந்தது. 

அதிமுகவே அழிந்து விட்டது என மக்கள் பேசப்பட்ட நிலையில் மீண்டும் எழுச்சி பெற துவங்கினார். நாடாளுமன்ற தேர்தலுக்கு பின் அவர் நடத்திய பொது கூட்டத்திற்கு கூடிய கூட்டத்தை பார்த்து இந்தியாவில் உள்ள எல்லா கட்சிகளுமே வாய் அடைத்து போனது. 

அதன் பின் 2011ல் அவர் சட்டமன்ற தேர்தலில் அதிமுக கட்சி மாபெரும் வெற்றியை பெற்றது. இந்த அளவிற்கான வெற்றியை யாருமே எதிர்பார்த்திருக்கவில்லை. இந்த வெற்றி பல ஆண்டுகளாக ஆட்சியில் இருந்த திமுகவை எதிர்கட்சி அந்தஸ்து கூட இல்லாமல் செய்தது. தேமுதிக கட்சி தலைவர் விஜயகாந்த் எதிர்கட்சி தலைவரானார். 

இந்த தாக்கம் 2016 தேர்தலிலும் இருந்தது. இந்த தேர்தலிலும் அதிமுக தனிபெரும்பான்மையுடன் ஆட்சியமைத்தது. ஆனால் இந்த வெற்றியை பெற்று 5வது முறையாக தமிழகத்தின் முதல்வரான ஜெயலலிதா பதவியேற்ற சில காலங்களிலேயே அவருக்கு உடல் நிலை குறைவு ஏற்பட்டது. 

தீடீர் என 2016ம் ஆண்டு செப்டம்பர் மாதம் 22ம்தேதி நள்ளிரவு ஜெயலலிதா உடல் நலக்குறைவால் சென்னை அப்பல்லோ மருத்துவமனையில் அனுமதிக்கப்பட்டதாக செய்திகள் வெளியானது. அதன் பின் தமிழகத்தின் அரசியலிலேயே பெரும் மாற்றம் ஏற்பட துவங்கியது. 

அவர் மருத்துவமனையில் அனுமதிக்கப்படுவதற்கு முன்னால் ஜெயலலிதா சென்னையில் மெட்ரோ ரயிலை துவங்கி வைத்தபோது தான் மக்கள் மத்தியில் உயிருடன் தோன்றினார். அவர் மருத்துவமனையில் அனுமதிக்கப்பட்ட பின்பு அவரது ஒரு புகைப்படம் கூட வெளியிடப்படவில்லை. 

அவர் மருத்துவமனையில் அனுமதிக்கப்பட்டு 75 நாட்களுக்கு பிறகு அவர் கார்டியாக் அரஸ்ட் ஏற்பட்டு உயிரிழந்ததாக அறிவிக்கப்பட்டது. அன்று யாரும் எதிர்பாராத விதமாக அறிவிக்கப்பட்ட இந்த செய்தியால் தமிழகமே கலங்கி நின்றது. அதன் பின் மக்கள் ஜெயலலிதாவை உயிரற்ற உடலாகவே பார்த்தனர். அவரது உடல் சென்னை மெரினா கடற்கரையில் சமாதியாக்கப்பட்டது. 

அதன் பின் தமிழக அரசியலில் ஏற்பட்ட மாற்றங்கள் எல்லாம் உங்களுக்கு நிச்சயம் தெரிந்திருக்கும். சினிமாவில் நடிகையாக துவங்கிய ஒருவர் காலாமாகும் போது ஒரு நாடே கண்கலங்கி நின்றது என்றால் அவர் அந்த நாட்டு மக்களுக்கு செய்த விஷயங்கள் தான் முக்கியமான காரணம் 

ஜெயலலிதா ஆட்சியில் இருந்த போது, விவசாயிகளுக்கு இலவச ஆடு மற்றும் மாடு, பள்ளி கல்லூரி மாணவ மாணவிகளுக்கு இலவச லேப்டாப் இது தமிழக மாணவர்களை கல்வியில் முன்னேற்றுவதற்கு மிக முக்கியமான திட்டமாக பார்க்கப்பட்டது. அனைத்து குடும்பங்களுக்கும் இலவச மிக்ஸி, கிரைண்டர் மற்றம் ஃபேன்கள். 

பள்ளி மாணவர்களுக்கான இலவச சீருடை, புத்தகப்பை, செருப்பு, புத்தகங்கள், ஜாமென்ட்ரி பாக்ஸ், மேலும் 12ம் வகுப்பு மாணவர்களுக்கான மேற்படிப்பு மேற்கொள்வதற்கான சைக்கிள், ஏழைப்பெண்கள் திருமணத்திற்கு தாலிக்கு தங்கம், பட்டபடிப்பு மற்றும் டிப்ளமோ முடித்த பெண்களுக்கு பொருளாதார உதவி, 

ஏழைகளின் பசியை போக்கு அம்மா உணவகம் ஆகிய திட்டங்கள் மக்கள் போற்றும் மாபெரும் திட்டங்களாக வெற்றி பெற்றது. இன்று தமிழக மக்கள் வளர்ச்சி பெற்ற நிலையில் இருப்பதற்கு இந்த திட்டங்கள் எல்லாம் மிக முக்கிய காரணமாக இருக்கிறது. மேலும் இவரது திட்டங்கள் எல்லாம் இன்னும் எதிர்காலத்திலும் நல்ல விளைவை ஏற்படுத்தக்கூடியதாக விமர்சகர்கள் கருத்து தெரிவித்துள்ளனர். 

இதை எல்லாம் விட முக்கியமாக 2006-2011 வரை இருந்த மின்சார தட்டுப்பாட்டில் தமிழகத்தில் தினமும் 16 மணி நேரம் வரை மின் வெட்டு ஏற்பட்டது. இந்த பிரச்னையால் தமிழகத்தின் பொருளாதாரமே பெரும் அளவில் பாதிக்கப்பட்டது. அதன் பின் 2011ல் ஆட்சிக்கு வந்த ஜெயலலிதா இந்த பிரச்னையை மிக திறமையாக கையாண்டு தமிழ்நாட்டை மின் மிகை மாநிலமாக மாற்றினார். 

இப்படியாக தமிழக மக்கள் நலனின் அக்கறை கொண்ட ஒரு மாபெரும் அரசியல் சகாப்தம் தமிழக மக்களை தவிக்க விட்டு சென்று இரண்டு ஆண்டுகள் கடந்து விட்டது. இன்று அரசியல் நடக்கும் நிகழ்வுகளை எல்லாம் பார்க்கம் மக்கள் அந்த "அம்மா" மட்டும் இருந்திருந்தால் என்று ஒரு வார்த்தையை சொல்லியே இன்றைய அரசியலை விமர்சனம் செய்கின்றனர். 

இதற்கிடையில் அவரது மரணமும் இன்றளவும் மர்மமாக இருக்கிறது முன்னாள் நீதிபதி ஆறுமுகசாமி தலைமையில் அவரது மரணம் குறித்து விசாரணை நடந்து வருகிறது. இந்த விசாரணை முடிந்தால் அவரது மரணம் பின்னால் இருக்கும் உண்மை வெளியில் வரும் என நம்பலாம். 

இப்படியான ஒரு சகாப்தம் நம்மை விட்டு பிரிந்த நாளில் நாம் நிச்சயம் அவரது செயல்களையும் திட்டங்களை கொண்டு நினைவு கூறுவோம். 

மாவீரர்கள்