Sanskathi
Feb 11

பிரித்தானியா – சுவிட்சர்லாந்து இடையே புதிய வர்த்தக ஒப்பந்தம்

பிரித்தானியா – சுவிட்சர்லாந்து இடையே புதிய வர்த்தக ஒப்பந்தம்

பிரித்தானியாவிற்கும், சுவிட்சர்லாந்திற்கும் இடையே வர்த்தக ஒப்பந்தமொன்று கைச்சாத்திடவுள்ளதாக தெரிவிக்கப்படுகிறது.

பிரெக்ஸிற்றின் பின்னரும் முன்னுரிமை அடிப்படையில் வர்த்தக நடவடிக்கைகளை தொடரும் வகையில் இன்று (திங்கட்கிழமை) இவ் ஒப்பந்தம் கைச்சாத்திடப்படும் என எதிர்பார்க்கப்படுகிறது.

32 பில்லியன் பவுண்ட் மதிப்பிலான வர்த்தக உறவை பாதுகாத்துக் கொள்ளும் வகையில் இந்நடவடிக்கை மேற்கொள்ளப்படவுள்ளதாக பிரித்தானிய வர்த்தக துறை அறிவித்துள்ளது.

ஐரோப்பிய ஒன்றிய உறுப்பு நாடுகள் இதுவரை பெற்ற நன்மைகள், பிரெக்ஸிற்றின் பின்னரும் தொடரும் என்பதை உறுதிபடுத்தும் வகையில் இந்த முறையான ஒப்பந்தம் ஏற்படுத்தப்படவுள்ளது.

ஐரோப்பிய ஒன்றியத்திலிருந்து விலகினாலும் சுவிட்சர்லாந்துடன் வலுவான வர்த்தக உறவை பேணுவதை உறுதிபடுத்துவதாக இவ் ஒப்பந்தம் அமையும் என சர்வதேச வர்த்தக அமைச்சர் லியம் ஃபொக்ஸ் தெரிவித்துள்ளார்.

மாவீரர்கள்