Sanskathi
Mar 15

பொள்ளாச்சி ஜெயராமன் மகனை கைது செய்ய வலியுறுத்தி மாணவர்கள் போராட்டம்

பொள்ளாச்சி ஜெயராமன் மகனை கைது செய்ய வலியுறுத்தி மாணவர்கள் போராட்டம்

பொள்ளாச்சி பாலியல் சம்பவத்தில் தொடர்புடைய குற்றவாளிகளை தூக்கிலிட வலியுறுத்தி கல்லூரி மாணவர்கள், சேலம் ஆட்சியர் அலுவலகத்தை முற்றுகையிட்டதால் பரபரப்பு நிலவியது. 

கோவை மாவட்டம் பொள்ளாச்சியில் 200-க்கும் மேற்பட்ட பெண்களுக்கு பாலியல் தொந்தரவுகள் கொடுத்து கொடுமைப்படுத்திய சம்பவம் தமிழகம் முழுவதும் அதிர்வலைகளை ஏற்படுத்தியுள்ளது. 

இந்த நிலையில் பொள்ளாச்சி பாலியல் சம்பவத்தில் தொடர்புடைய நான்கு நபர்களை தூக்கிலிட வலியுறுத்தியும், சபாநாயகர் ஜெயராமனின் மகனை உடனடியாக கைது செய்ய வலியுறுத்தியும் 500க்கு மேற்பட்ட கல்லூரி மாணவர்கள் இன்று சேலம் ஆட்சியர் அலுவலகத்தை முற்றுகையிட்டு ஆர்ப்பாட்டத்தில் ஈடுபட்டனர் 

அப்போது தமிழக அரசை கண்டித்தும், தமிழக அமைச்சர்களை கண்டித்தும் மாணவர்கள் கண்டன கோஷங்களை எழுப்பினர். மேலும் இதுபோன்ற சம்பவங்கள் நடைபெறாத வண்ணம் அரசு உரிய நடவடிக்கை எடுக்க வேண்டும். இல்லையெனில் மாணவர்கள் போராட்டம் தொடரும் என மாணவர் கூட்டமைப்பினர் எச்சரிக்கை விடுத்தனர்.

பின்னர் போலீசார் மாணவர்களிடம் சமாதான பேச்சுவார்த்தை நடத்தியதைத் தொடர்ந்து, போராட்டத்தில் ஈடுபட்ட மாணவர்கள் கலைந்து சென்றனர்.மாணவர் போராட்டத்தினால் சேலம் மாவட்ட ஆட்சியர் அலுவலகத்தில் சுமார் ஒரு மணி நேரத்திற்கும் மேலாக பரபரப்பு நிலவியது. 

மாவீரர்கள்