Sanskathi
Mar 21

இந்தியர்கள் இந்தாண்டில் மகிழ்ச்சியாக இல்லையாம்; ஐ.நா-வே சொல்லிருச்சு

இந்தியர்கள் இந்தாண்டில் மகிழ்ச்சியாக இல்லையாம்; ஐ.நா-வே சொல்லிருச்சு

வசந்த காலத்தை வரவேற்க இந்தியாவின் பல்வேறு பகுதிகளில் ஹோலி கொண்டாட்டம் களைக்கட்டியுள்ள இன்றைய நாளில், இந்தாண்டில் இந்தியர்கள் மகிழ்ச்சியாக இல்லை என்ற தகவலை ஐ.நா வெளியிட்டு அதிர்ச்சியை ஏற்படுத்தியுள்ளது. 

உலக நாடுகளில் வசிக்கும் மக்களின் மகிழ்ச்சி குறித்து ஐக்கிய நாடுகள் சபை ஆண்டுக்கு ஒருமுறை அறிக்கை வெளியிடுவது வழக்கம். அந்தவகையில் கடந்தாண்டை விட இந்தாண்டில் இந்திய மக்கள் மகிழ்ச்சியாக இல்லை என ஐ.நாவின் World Happiness Report-ல் (உலக மக்களின் மகிழ்ச்சியை கணக்கிடும் அறிக்கை) தெரிவிக்கப்பட்டுள்ளது. 

ஆண்டுதோறும் மார்ச் 20ம் தேதி உலகளவில் மகிழ்ச்சி நாளாக கொண்டாடப்பட்டு வருகிறது. அந்தவகையில் இந்தாண்டு நேற்று மகிழ்ச்சி தினம் கொண்டாடப்பட்டது. அதன்படி, மக்களின் வருமானம், சமத்துவம், சமூக ஆதரவு, அரசின் மீதான நம்பிக்கை, ஆயுடக்காலம், சுதந்திரம் (எல்லா வித அடிப்படையி) ஆகியவற்றின் மகிழ்ச்சிக்கான அளவீடுகள் கணக்கிடப்பட்டன.

அதன்படி, மக்களில் மகிழ்ச்சி குறித்த கணக்கெடுப்பின் படி இந்தாண்டு இந்தியா 140வது இடத்தில் உள்ளது. கடந்தாண்டில் இதே அளவுகோளின் அடிப்படையில் 133வது நாடு இருந்தது குறிப்பிடத்தக்கது. இந்த கணக்கெடுப்பில், உலகில் மக்கள் மகிழ்ச்சியாக உள்ள நாடாக பின்லாந்து இரண்டாவது முறையாக அறிவிக்கப்பட்டுள்ளது. 

இந்த பட்டியலில் பாகிஸ்தான் 67வது இடத்திலும், சீனா 93வது இடத்திலும், வங்கதேசம் 125வது இடத்திலும் உள்ளன. தெற்கு சூடான் மக்கள் மிகவும் மகிழ்ச்சி மிகவும் குறைந்துள்ளனர். மகிழ்ச்சி குறைந்தளவில் காணப்படும் நாடுகளில் வாழும் மக்கள் அதிகமாக வாக்களிக்க வருவார்கள். அதனடிப்படையில் இந்த அளவீடுகள் மேற்கொள்ளப்பட்டுள்ளன. 

ஹோலி பண்டிகை கொண்டாடப்படும் இந்நாளில், இந்திய மக்கள் மகிழ்ச்சியாக இல்லை என்று வெளிவந்துள்ள செய்தி சோகத்தை ஏற்படுத்தியுள்ளது. அதற்காக பலரும் வருத்துக்களை தெரிவித்து வருகின்றனர். 


மாவீரர்கள்