ஈழத் தமிழர் படுகொலை.., 13 ஆண்டுகளுக்கு முன்பு விஜய் பேசிய ஆங்கில வார்த்தை. I am not intrested

.

ஈழத் தமிழர் இனப்படுகொலைக்காக இலங்கை முன்னாள் அதிபர் ராஜபக்சேவுக்கு எதிராக விடுதலைச் சிறுத்தைகள் கட்சி நடிகர் விஜயிடம் கையெழுத்து கேட்ட போது அவர் பேசிய வார்த்தை பேசப்பட்டு வருகிறது.

நடிகர் விஜய் கட்சி ஆரம்பித்து அதற்கான வேலைகளை செய்து வருகிறார். அந்தவகையில் நேற்று விஜய் தலைமையில் தமிழக வெற்றிக் கழகத்தின் செயற்குழுக் கூட்டம் நடைபெற்றது.

இந்த கூட்டத்தில் பல்வேறு தீர்மானங்கள் நிறைவேற்றப்பட்டன. இந்நிலையில், 2011-ம் ஆண்டில் நடந்த நடிகர் விஜய் தொடர்பான நிகழ்வு ஒன்றின் வீடியோ சமூக வலைதளங்களில் வைரலாகி வருகிறது.

அதாவது, 2011-ம் ஆண்டில் இலங்கை முன்னாள் அதிபர் ராஜபக்சேவை போர்க்குற்றவாளியாக அறிவித்து தண்டனை பெற்று தர வலியுறுத்தி விடுதலைச் சிறுத்தைகள் கட்சியின் சார்பாக கையெழுத்து இயக்கம் நடத்தப்பட்டது.

அப்போது, இயக்குநர்கள் மணிவண்ணன், ஆர்கே செல்வமணி, நடிகை ரோஜா, நடிகர் சத்யராஜ் உள்ளிட்ட திரை பிரபலங்கள் கையெழுத்திட்டனர்.

அதேபோல, நடிகர் விஜயிடம் கையெழுத்து வாங்குவதற்காக விடுதலைச் சிறுத்தைகள் கட்சியின் துணைப் பொதுச்செயலாளர் வன்னி அரசு உள்ளிட்டோர் படப்பிடிப்பு தளம் ஒன்றிற்கு சென்றனர். ஆனால், I am not intrested எனக்கூறி கையெழுத்திற்கு மறுப்பு தெரிவித்துள்ளார்.

பின்னர், நடிகர் விஜயின் தந்தையான எஸ்.ஏ.சந்திரசேகரையும் தொடர்பு கொண்டு கையெழுத்து கேட்டபோது அவரும் மறுத்துள்ளார்.

அந்த நேரத்தில் தொலைக்காட்சி சேனல்களுக்கு வன்னி அரசு அளித்த பேட்டி சமூக வலைதளத்தில் தற்போது வைரலாகி வருகிறது.