பாரிஸ் - 400க்கும் மேற்பட்டோர் வன்முறை சம்பவங்களுடன் தொடர்புடையதாக கைது!
பாதுகாப்புப் படையினரின் பெருமுயற்சியால்தான் பல கொள்ளைச் சம்பவங்கள் முறியடிக்கப்பட்டன
பாரிஸ் செயின்ட் ஜெர்மேன் அணி வெற்றி பெற்றதைத் தொடர்ந்து ரசிகர்களிடையே வன்முறை!
பிரான்ஸ் தலைநகர் பாரிஸ் உள்ளிட்ட பகுதிகளில் கொண்டாட்டத்தின்போது ஏற்பட்ட வன்முறை சம்பவங்களுடன் தொடர்புடைய 400க்கும் மேற்பட்டோர் கைதுசெய்யப்பட்டுள்ளதாக பொலிஸார் தெரிவித்துள்ளனர். சாம்பியன்ஸ் லீக் இறுதிப் போட்டியில் இங்கிலாந்தின் ஆர்செனல் அணியை வீழ்த்தி, பிரான்ஸின் பாரிஸ் செயின்ட் ஜெர்மேன் அணி வெற்றி பெற்றதைத் தொடர்ந்து ரசிகர்களிடையே வன்முறை வெடித்துள்ளது.
இச்சம்பவத்தில் 7 பொலிஸார் காயமடைந்துள்ளதுடன், வாகனங்கள் மற்றும் கட்டமைப்புகள் சேதமடைந்துள்ளன. ஹெங்கேரியில் நடைபெற்ற இறுதிப் போட்டி 1-1 என சமநிலையில் முடிந்த நிலையில், பெனால்டி சூட்டில் PSG அணி 4-3 என வெற்றி பெற்று தொடர்ச்சியாக இரண்டாவது முறையாக கோப்பையை கைப்பற்றியுள்ளது. முன்னதாக போட்டிக்கு முன்னரும் ரசிகர்கள் மற்றும் பொலிஸாருக்கு இடையே மோதல் ஏற்பட்டதாகவும், கடந்த சீசன் கொண்டாட்டங்களில் உயிரிழப்புகளும் பதிவாகியிருந்ததாகவும் குறிப்பிடப்பட்டுள்ளது.
பாரிஸ் PSG அணியின் வெற்றிக் கொண்டாட்டம்!
பிரான்ஸ் முழுவதும் எண்ணூற்றுத் தொண்ணூறு பேருக்கு மேல் கைது - கடந்த ஆண்டை விட நாற்பத்தைந்து விழுக்காடு அதிகரிப்பு!
ஐரோப்பியக் கோப்பைப் போட்டியில் பாரிஸ் (PSG) கால்பந்து அணி வாகை சூடியதைத் தொடர்ந்து, பிரான்ஸ் நாடு முழுவதும் வெடித்த கலவரங்களில் ஈடுப்பட்ட எண்ணூற்றுத் தொண்ணூறு பேருக்கு மேற்பட்டோரைக் காவல் துறையினர் அதிரடியாகக் கைது செய்துள்ளனர். இந்த எண்ணிக்கை கடந்த ஆண்டை விட நாற்பத்தைந்து விழுக்காடு அதிகம் எனப் பிரான்ஸ் உள்துறை அமைச்சர் லாரன்ட் நுனெஸ் இன்று திங்கட்கிழமை காலை வானொலி நேர்காணல் ஒன்றில் அதிகாரப்பூர்வமாக அறிவித்துள்ளார். இந்த வன்முறைகளைக் கட்டுப்படுத்தும் சவாலான பணியில் ஈடுபட்டிருந்த நூற்று எழுபத்தெட்டுப் பாதுகாப்புப் படையினரும் படுகாயமடைந்துள்ளனர் என்பது நிலைமையின் தீவிரத்தை உணர்த்துகிறது.
இந்த மாபெரும் வெற்றிக் கொண்டாட்டங்கள் வன்முறையில் முடியும் என்பதை முன்கூட்டியே கணித்திருந்ததால், நாடு முழுவதும் அசாதாரணமான பாதுகாப்பு ஏற்பாடுகள் செய்யப்பட்டிருந்ததாக அமைச்சர் சுட்டிக்காட்டினார். மேலும் அவர் கூறுகையில், "இந்தக் கொடூரமான வன்முறைகளைத் தடுத்து நிறுத்துவதே எனது முதற்கடமையாகும். இவ்வளவு அதிகமானோர் கைது செய்யப்பட்டுள்ளனர் என்பதே, காவல் துறையினர் தங்களின் கடமையைச் செவ்வனே செய்துள்ளனர் என்பதற்குச் சிறந்த சான்றாகும்.°° பண்டிகைகளைப் போன்ற இத்தகைய மகிழ்ச்சியான தருணங்களைப் பயன்படுத்திக்கொண்டு, கடைகளைச் சூறையாடவும் பொதுச்சொத்துக்களைச் சேதப்படுத்தவும் இந்த இளைஞர்கள் ஏன் முற்படுகிறார்கள் என்பதே நம் முன் உள்ள மிகப்பெரிய கேள்வியாகும். இவர்களை வன்முறையாளர்கள் என்றே கூற வேண்டும்," எனக் காட்டமாகக் குறிப்பிட்டார்.
காவல் துறையினரின் நடவடிக்கைகளைச் சிலர் விமர்சிப்பது குறித்துப் பதிலளித்த அவர், பாதுகாப்புப் படையினரின் பெருமுயற்சியால்தான் பல கொள்ளைச் சம்பவங்கள் முறியடிக்கப்பட்டன எனத் திட்டவட்டமாகத் தெரிவித்தார். நேற்றைய முந்தைய அறிவிப்பின்படி, இந்த வன்முறைச் சம்பவங்களில் நாடு முழுவதும் இருநூற்றுப் பத்தொன்பது பேர் காயமடைந்துள்ளதாகவும், அவர்களில் எட்டுப் பேரின் நிலைமை கவலைக்கிடமாக உள்ளதாகவும் தெரிவிக்கப்பட்டுள்ளது. மேலும், இந்தத் துயரச் சம்பவங்களின் ஒரு பகுதியாக, தலைநகரின் புறவழிச்சாலை ஒன்றில் இருசக்கர வாகனத்தில் சென்ற இருபது வயது மதிக்கத்தக்க இளைஞர் ஒருவர், அங்கிருந்த கற்காரைத் (கொன்கிரீட்)** தடுப்புகளில் மோதிப் பரிதாபமாக உயிரிழந்தார் என்ற அதிர்ச்சியளிக்கும் செய்தியும் வெளியாகிக் கலவரத்தின் சோகத்தை மேலும் அதிகரித்துள்ளது.
