உலகின் மிக அழகான வீதி சாம்ப்ஸ்-எலிசீ (Champs-Elysées) 2025-ம் ஆண்டிற்கான ஒளி வெள்ளத்தில் ஜொலிக்கத் தயாராகிவிட்டது!
.
பாரிஸ்வாசிகளே, கிறிஸ்துமஸ் கொண்டாட்டத்திற்குத் தயாராகுங்கள்! உலகின் மிக அழகான வீதியான சாம்ப்ஸ்-எலிசீ (Champs-Elysées) 2025-ம் ஆண்டிற்கான ஒளி வெள்ளத்தில் ஜொலிக்கத் தயாராகிவிட்டது.
இந்த ஆண்டு விழாவில் இடம்பெறவுள்ள சிறப்பம்சங்கள் மற்றும் சுவாரசியமான தகவல்கள் இதோ:
1 நாளை மறுநாள் நவம்பர் 16 (ஞாயிற்றுக்கிழமை) அன்று அலங்கார விளக்குகள் ஏற்றப்பட்டு விழா கோலாகலமாகத் தொடங்குகிறது. இந்த ஒளி வெள்ளம் ஜனவரி 4, 2026 வரை மொத்தம் 7 வாரங்களுக்குப் பாரிஸை அலங்கரிக்கும்.
2. சிறப்பு விருந்தினர் யார்? (Marraine) பிரபல பிரெஞ்சு நடிகை Léa Seydoux (ஜேம்ஸ் பாண்ட் படங்களில் நடித்தவர்) இந்த ஆண்டிற்கான "சிறப்புத் தூதுவராக" (Godmother) இருந்து, விளக்குகளை ஏற்றி வைக்கிறார். "என் இதயத்திற்கு நெருக்கமான பாரிஸ் நகரில் இந்தத் தருணத்தைப் பகிர்வது எனக்குப் பெருமை," என்று அவர் நெகிழ்ச்சியுடன் தெரிவித்துள்ளார்.
3. இந்த ஆண்டின் மிகப்பெரிய புதுமை : வழக்கமாக ஈபிள் கோபுரம் (Iron Lady) ஒவ்வொரு மணி நேரமும் மின்னும். இந்த முறை, அதற்குப் போட்டியாக அல்லது பதில் சொல்லும் விதமாக, சாம்ப்ஸ்-எலிசீ வீதியும் ஒவ்வொரு மணி நேரமும் (மாலை 6, 7, 8...) 5 நிமிடங்களுக்குத் தனியாக மின்னும். "இரும்புப் பெண்மணிக்கு (Eiffel Tower) உலகின் அழகான வீதி கொடுக்கும் பதில்" என்று இது வர்ணிக்கப்படுகிறது.
4. கடந்த 2024 பாரிஸ் ஒலிம்பிக் தொடக்க விழாவை வடிவமைத்த அதே கலை இயக்குநரான Thierry Reboul தலைமையிலான குழுதான் இந்த விளக்கு அலங்காரங்களையும் வடிவமைத்துள்ளது. எனவே, இந்த முறை அலங்காரம் வழக்கத்தைவிடப் பிரம்மாண்டமாக இருக்கும்!
5. தொழில்நுட்பம் மற்றும் சுற்றுச்சூழல்:
400 மரங்கள், 20 லட்சம் (2 Million) LED விளக்குகள், 4 கிலோமீட்டர் நீள வயர்கள் பயன்படுத்தப்பட்டுள்ளன.
சிக்கனம்: இவ்வளவு விளக்குகள் எரிந்தாலும், இதன் மொத்த மின்சார நுகர்வு வெறும் 15,000 KW மட்டுமே. இது நான்கு பேர் கொண்ட இரண்டு குடும்பங்கள் ஒரு வருடம் பயன்படுத்தும் மின்சாரத்திற்குச் சமம்.
மறுசுழற்சி: முன்பு பயன்படுத்தப்பட்ட பழைய அலங்கார விளக்குகள் பாரிஸின் மற்ற பகுதிகளுக்குத் தானமாக வழங்கப்பட்டுள்ளன.
நேரம்: தினமும் மாலை 5 மணி முதல் நள்ளிரவு வரை விளக்குகள் ஒளிரும். வெள்ளி மற்றும் சனிக்கிழமைகளில் இரவு 1 மணி வரையும், கிறிஸ்துமஸ் மற்றும் புத்தாண்டு இரவுகளில் விடிய விடியவும் ஒளிரும்.
பாரிஸில் இருப்பவர்கள் தவறவிடக்கூடாத ஒரு கண்கொள்ளாக் காட்சி இது!
